Isipin mo na lang: Ang ₱2,000 mo noong 2010, hindi na katumbas ng ₱2,000 ngayon.
Ang bigas, gasolina, kuryente, transpo — lahat tumaas. Pero ang Personnel Economic Relief Allowance (PERA) ng government employees?
Hindi gumalaw. Ni isang piso.
—
—
Ito ang katotoohang hinaharap ng mahigit 1.8 milyong government employees ngayon — at marami sa kanila ay nagtatanong na: Hanggang kailan pa tayo maghihintay?
Ano nga Ba ang PERA?
Ang Personnel Economic Relief Allowance (PERA) ay isang monthly allowance na ibinibigay sa lahat ng government employees bilang tulong sa tumataas na cost of living.
Hindi ito kasama sa basic salary — ito ay hiwalay na allowance na sadyang nilayong maging cushion laban sa inflation.
Kasalukuyan itong ₱2,000 bawat buwan para sa mga civilian government employees.
Ang Masakit na Kasaysayan: 16 na Taon, Walang Dagdag
Narito ang timeline ng PERA mula nang magsimula ito:
—
—
1991 — ₱500.00 per month, per employee
1993 — ₱1,000.00 per month, per employee
2010 — ₱2,000 per month, per employee
2026 — ₱2,000 Wala pang pagbabago
Nag-double ang PERA mula 1991 hanggang 1993. Nag-double ulit mula 1993 hanggang 2010. Pero mula 2010 hanggang ngayon — 16 na taon na, walang dagdag.
Bakit Hindi Pa Nadadagdagan?
Narito ang ilan lamang sa mga maaaring pangunahing dahilan kung bakit hindi pa tumataas ang halaga ng PERA hanggang ngayon (2026):
—
—
Malaking Gastos sa Gobyerno
Ito ang pangunahing dahilan. May halos 1.8 milyong government employees sa buong bansa. Kung dagdagan ang PERA ng kahit ₱2,000 pa lang, kailangan ng gobyerno ng bilyun-bilyon bawat taon para pondohan ito. Ang DBM ay paulit-ulit na nagbabala tungkol sa fiscal concerns. [>]
Inuna ang Salary Standardization (SSL)
Pinili ng Marcos administration na unahin ang four-round salary standardization increases mula 2024 hanggang 2027 sa ilalim ng Salary Standardization Law (SSL), sa halip na mag-focus sa standalone PERA hike. [>]
Sa madaling salita: may raise sa basic pay — pero ang PERA wag muna.
Maraming Bills, Walang Nagiging Batas
Hindi naman bago ang problema. Sa loob ng maraming Kongreso, maraming senador at kinatawan ang nag-file ng bills para itaas ang PERA.
Narito ang ilan lamang sa mga Bills na naipasa para itaas ang PERA ngunit hindi pa naisasabatas hanggang ngayon:
—
—
- SB 60 (Sen. Francis Escudero) — taas ng PERA kasama ang automatic inflation adjustment
- SB 1027 (Sen. Jinggoy Estrada) — double ang PERA sa ₱4,000
- SB 1378 (Sen. Mark Villar) — double sa ₱4,000
- SB 1406 (Sen. Bong Revilla) — ₱4,000 kasama ang annual inflation adjustment. Sinabi ni Revilla: dahil sa tumataas na presyo ng mga bilihin mula pa sa pandemya, hindi na sapat ang kasalukuyang ₱2,000.
- HB 128 — dagdag sa ₱6,000
- HB 4790 (Rep. Raymond Salceda) — itataas sa ₱6,000. Sinusuportahan na ito ng Sangguniang Panlalawigan ng Antique sa pamamagitan ng Resolution No. 364-2026 noong Abril 13.
- HB 6537 o “Dagdag PERA Act” (Rep. Raymond Democrito Mendoza) — itataas sa ₱7,000 na may annual inflation adjustment. Ayon sa explanatory note ng bill, ang kasalukuyang ₱2,000 ay hindi na natutugunan ang layunin nitong protektahan ang mga manggagawa laban sa inflation.
- HB 3874 — ₱8,000
—
—
Lahat ng nasa itaas — zero ang naging batas. Ni isa sa mga bills na naglalayong itaas ang PERA ay hindi pa nae-enacted hanggang ngayon. Nag-eexpire ang mga bills sa katapusan ng bawat Kongreso — at kailangang muling i-file sa susunod.
Paulit-ulit. Paikot-ikot.
Gaano Kalaki ang Nabawas ng Purchasing Power ng PERA?
Ayon sa datos ng Philippine Statistics Authority (PSA), ang ₱1,000 ngayon ay katumbas na lang ng mga ₱750 na halaga ng 2018 goods. Ibig sabihin, ang ₱2,000 mong PERA ngayon — mas mababa na ang tunay na halaga kaysa noong 2010 pa. [>]
Kung isasaalang-alang ang inflation mula 2010 hanggang 2026, ang purchasing power ng PERA ay halos kalahati na lang ng dati. Tumaas ang presyo ng lahat, pero tumayo lang sa lugar ang ₱2,000.
Ano Ang Sinasabi ng Government Workers?
Noong Disyembre 2025, ang mga pangunahing government employees’ unions — kasama na ang COURAGE, Alliance of Health Workers (AHW), at Alliance of Concerned Teachers (ACT) — ay nagsumite ng formal petition sa Office of the President na humingi ng PERA increase bago pa mag-January 2026. [>]
—
—
Ang kanilang argumento: Ayon sa National Wages and Productivity Council (NWPC), kailangan ng isang pamilyang may limang miyembro ng mga ₱36,000 bawat buwan para mabuhay nang maayos. [Src]
Pero ang mga government employees sa mababang salary grades — mula SG 1 (₱14,061/buwan) hanggang SG 12 (₱32,245/buwan) — ay malayo pa rin sa living wage kahit isama na ang lahat ng allowances.
Ano Ang Dapat Gawin ng Government Employees?
Subaybayan ang mga bills sa Kongreso.
Alamin kung sino ang kinatawan mo at kung nagsu-support ba sila sa PERA increase bills.
Sumali sa government employees’ organizations.
Mas malakas ang boses ng grupo kaysa sa isa.
I-maximize ang ibang benefits
Habang hinihintay ang PERA increase, siguraduhing natatanggap mo ang lahat ng iyong nararapat — mula clothing allowance, step increment, hanggang GSIS benefits.
Mag-ingat sa misinformation
May mga nag-iikot na fake news na “approved na ang PERA increase.” Laging i-verify sa opisyal na DBM o CSC sources — o dito sa aming website.
—
—
Ang Bottomline
Ang PERA ay ipinangako bilang relief — tulong laban sa inflation. Pero mula 2010, hindi na ito nag-function bilang tunay na relief. Naging fixed amount na lang ito na unti-unting nangalan ang halaga habang tumaas ang lahat ng presyo sa paligid natin.
Ang tanong ay hindi na kung dapat itaas ang PERA. Malinaw na sagot doon — dapat. Ang tanong ay: Hanggang kailan pa kaya tayo maghihintay?
Question
May katanungan o dagdag na impormasyon tungkol sa PERA? Mag-iwan ng komento sa ibaba. Para sa pinakabagong balita ukol sa government employee benefits, bisitahin lagi ang aming website.
—
—