Ano ang Mandatory Net Take Home Pay ng Government Employees?

Ano ang Net Take Home Pay?

Ang net take home pay ay ang matitira sa sahod ng isang kawani ng gobyerno (government employee) pagkatapos ibawas dito ang mga authorized deductions na pinapayagan ng batas.

Ano ang mga Authorized Deductions sa sahod ng kawani ng gobyerno?

Ang authorized deductions o mga obligasyon na pwedeng ikaltas sa buwanang sahod ng government employee ay nakasaad sa General Provisions ng General Appropriations Act (GAA) o ang batas na nag-awtorisa sa paggamit ng pondo ng bansa para sa taunang pinansyal na gastusin ng gobyerno.

Ayun sa Section 55 ng General Provisions ng 2025 na GAA, ang mga sumusunod ay pwedeng ikaltas sa buwanang sahod ng kawani ng gobyerno:

Sec. 55. Authorized Deductions. Deductions from salaries and other benefits accruing to any government employee, chargeable against the appropriations for Personnel Services, may be allowed for the payment of an individual employee’s contributions or obligations due the following:

• The BIR, PhilHealth, GSIS, and HDMF;

Kabilang dito ay ang tax deductions (buwis sa sahod) at mga personal contributions ng government employees sa PhilHealth, GSIS, at HDMF o mas kilala bilang Pag-IBIG.

• The National Government, as decreed in a final and executory decision of COA;

Kabilang dito ang mga audit disallowances at charges ng Commission on Audit na final and executory na ang decision.

• Non-stock savings and loans associations and mutual benefit associations duly operating under existing laws and cooperatives which are managed by and/or for the benefit of government employees;

Kabilang dito ang mga loans (utang) mula sa nasabing loan associations o cooperative.

• Associations or Provident Funds organized and managed by government employees for their benefit and welfare;

Kabilang dito ang mga loans na mula sa associations or Provident Funds na ginawa para sa empleyado.

• CEls and authorized government depository banks authorized by law and accredited by appropriate goverment regulating bodies to engage in lending;

Ang halimbawa nito ay loans o utang mula sa authorized government depository banks tulad ng Landbank of the Philippines (LBP) at Development Bank of the Philippines (DBP).

• Licensed insurance companies; and

• Thrift banks or rural banks accredited by the BSP.

Important Note: Obligations due to the BIR, contributions due to the PhilHealth, GSIS, and HDMF shall be satisfied ahead of all other obligations. The remaining obligations due to other entities listed above shall be satisfied in the order in which they were incurred.

Ang ibig sabihin nito ay dapat mauna muna ibawas sa sahod ang tax at employee contributions sa PhilHealth, GSIS, and Pag-IBIG bago ang ibang authorized deductions.

Amount of Mandatory Net Take Home Pay of Government Employees

Ang mandatory net take home pay ng government employees ay nakasaad din sa General Provisions ng GAA.

Sa taong 2025, ang mandatory net take home pay ay dapat hindi bababa sa ₱5,000.00 pagkatapos ikaltas ang mga nabanggit na authorized deductions sa buwanang sahod ng empleyado.

Bakit importante ang cap o threshold sa Net Take Home Pay?

Mahalaga na maglagay ng cap o threshold sa net take home pay ng kawani ng gobyerno upang may batayan kung pwedeng aprubahan ng ahensya at authorized lending institutions ang loan nito.

Masisiguro din ng pamahalaan na may matitira sa sahod ng bawat isang kawani ng gobyerno sa pamamagitan nito.

Question

Magiwan kayo ng comments sa ibaba kung may katanungan kayo tungkol sa post na ito.