DBM Guidelines on Higher Base Pay, Subsistence Allowance of Military and Uniformed Personnel (MUP)
Inanunsyo ng Department of Budget and Management (DBM) na magpapalabas ito ng mga gabay para sa agarang pagpapatupad ng mga pag-amyenda sa sahod at subsistence allowance ng lahat ng Military and Uniformed Personnel (MUP).
Ito ay kasunod ng pahayag ng DBM na tinatanggap nila ang hakbang ng Pangulong Ferdinand R. Marcos Jr. na taasan ang base pay at subsistence allowance ng MUP.
“We commend President Bongbong Marcos for approving the increase in salary and subsistence allowance for our military and uniformed personnel, who dedicate their lives to safeguarding the nation,” anya DBM Acting Secretary Rolando Toledo.
“Rest assured that the DBM shall exert all efforts to support the EO’s immediate implementation which is set to take effect beginning January 1, 2026,” dagdag pa nya.
Ayon sa Executive Order (EO) 107 na pinirmahan ni Marcos noong Disyembre 3, ang na-update na base pay schedule ng lahat ng MUP ay ipatutupad sa tatlong tranche, simula Enero 1, 2026.
Ang ikalawa at ikatlong tranche ay magkakabisa sa Enero 1, 2027 at Enero 1, 2028, ayon sa EO.
Saklaw ng EO 107 ang lahat ng tauhan sa ilalim ng Department of National Defense, Department of the Interior and Local Government, Philippine Coast Guard, Bureau of Corrections, at National Mapping and Resource Information Authority.
Samantala, ang daily subsistence allowance ng lahat ng uniformed personnel ay itataas din sa PHP 350 mula sa kasalukuyang PHP 150, na magkakabisa sa Enero 1, 2026.
Bago pa man taasan ang sahod, ang subsistence allowance ng lahat ng militar ay naitaas na sa PHP 350 ngayong taon, matapos ang Issuance ng EO 84 noong Marso 14.
Ang pondo para sa implementasyon ng base pay at subsistence allowance hike ay kukunin mula sa available na appropriation sa 2026 General Appropriations Act at anumang ibang available appropriations, ayon sa patakaran sa budgeting, accounting, at auditing.
Naglalaman din ang EO 107 ng Inter-Agency Technical Working Group (IATWG) na magsasagawa ng komprehensibong pagsusuri sa MUP Pension.
Source: Philippine News Agency